Бәхәскә кергән Чаллы моделе белән эшмәкәрен Малахов белән Гордон тапшыруга чакырган

Алена Кушнирга һәм әти-әнисенә «Пусть говорят» тапшыруыннан шалтыратып бик күп сораулар биргәннәр. Алена тапшыруда катнашырга ризалык бирмәгән. Ә икенче көнне Гордонның «Мужское/ Женское» тапшыруыннан шалтыратып, бернинди каралтуларсыз гына тапшыру булачак, дип ышандырсалар да кыз шулай ук тапшыруда катнашудан баш тарткан.

Ә мондый игътибар юкка гына түгел: узган атнада Эрик Гафаров Аленаның аның "Мерседес"ына типкәнен төшергән видеороликны социаль челтәрләргә элгән иде. Анда: "Минем тачкам 10 миллионнан артык тора, әмма җавапсыз мәхәббәт кешеләрне, Алена Кушнир кебек бөтен дөньяга танылганнарны да туктата алмый", - дип язып куйган.
Аннан соң эшмәкәр полициягә мөрәҗәгать итеп кызның материаль зыянны каплавын таләп иткәнлеге турында яза chelny-izvest.ru.