#Кыскача яңалыклар 16 гыйнвар 2017, 05:54

Бишкәктә авиаһәлакәттә һәлак булучылар саны 30дан арткан (ВИДЕО)

16 гыйнвар 2017, 05:54

Бүген Кыргызстан башкаласы Бишкәктә "Turkish Airlines" компаниясенең Boeing 747 йөк очкычы җирле вакыт белән 7.30 сәгатьтә (Мәскәү вакыты белән 4.30 сәгатьтә) "Манас" аэропортына төшкәндә һәлакәткә очраган, дип хәбәр итә "Татар-информ" "РИА Новости"га сылтама белән.

Скопировать ссылку

Очкыч аэропорт янында дачалар урнашкан бистә өстенә килеп төшкән. Һәлакәт урынында унбишләп йорт җимерелгән, ике йорт янган. Бу һәлакәттә башта 20 кешенең гомере өзелүе хәбәр ителгән иде, шул исәптән экипажның өч әгъзасы һәлак булган. Соңрак Кыргызстанның Сәламәтлек саклау министрлыгында "мәгълүматлар әле һаман ачыкланып тора, ләкин кимендә 37 кешенең һәлак булган"ын искәрткәннәр, алар арасында җирле халык һәм экипаж әгъзалары бар, дип белдергәннәр.

Кызыклы яңалыкларны күзәтеп бару өчен безнең МАХ каналына кушылыгыз.