#Кыскача яңалыклар 30 октябрь 2016, 14:40

Бозлавыкның беренче корбаннары бар

30 октябрь 2016, 14:40

Һава шартларының үзгәрүе, кар яву, юллардагы бозлавык үз эшен эшли. Бүген юлларда транспорт юл һәлакәтләре аеруча артты. Һәлакәткә эләгүче машиналарның күбесендә җәйге резина булганлыктан, автомобиль белән идарә итүдә проблемалар тудырган.

Скопировать ссылку

Мәсәлән, бүген иртән Алексеевск - Биләр юлында "Джили М-Гранд" автомобиле белән идарә иткән 1964 елгы ир, Биләр ягыннан килгәндә, юлда метеорологик шартларны исәпкә алмаган. Юеш кар яуганда зур тизлектә барган, каршы як юлга чыгып, юлдан түбән әйләнеп капланган. Һәлакәтне тикшергәндә шундый беренчел нәтиҗә чыгарылган.

Транспорт һәлакәте нәтиҗәсендә, машина йөртүче шунда ук һәлак булган, 1968 елгы пассажир хатын имгәнеп, хастаханәгә озатылган.

Тагын берьюлы ике үлемгә китергән юл транспорт һәлакәте шулай ук иртәнге якта Чистай - Аксубай - Нурлат трассасында килеп чыга. "Лада Приора" белән идарә иткән 36 яшьлек ир-егет, Нурлат ягыннан Чистайга таба килгәндә, зур тизлектә каршы як юлга чыккан һәм рулендә 28 яшьлек егет барган "Фредлайнер" йөк машинасы белән бәрелешкән. Һәлакәттә җиңел машинаны йөртүче һәм аның белән барган 1990 елгы пассажир кыз бәрелешкән урында ук үлгән.

Республика ЮХИДИ идарәсендә, җиңел машинаның алгы тәгәрмәчләрендә кышкы шиплы резина, ә арткыларында җәйге резина куелган булуын билгеләп үтә.

Шулай ук Казан - Яшел Үзән трассасында да, Раифа белән Ильинка арасындагы арада 5-6 автомобильнең бәрелешүе турында билгеле.

Кызыклы яңалыкларны күзәтеп бару өчен безнең МАХ каналына кушылыгыз.