#Кыскача яңалыклар 10 июнь 2019, 13:08

Бу атнада өч көн ял көтә

10 июнь 2019, 13:08

Россиядә яшәүчеләр өчен агымдагы эш атнасы бер көнгә кыскарак булачак. Бу хакта РИА Новости агентлыгы Хезмәт һәм мәшгульлек федераль хезмәтенә сылтама белән хәбәр итә.

Скопировать ссылку

Бу чәршәмбе, 12 июнь, Россия көнен бәйрәм итү белән бәйле рәвештә, эш көне булмаган бәйрәм көн санала, дип искәрттеләр ведомствода.

«Татар-информ» агентлыгы моңа кадәр хәбәр иткәнчә, бәйрәм алдыннан – 11 июньдә эш көне бер сәгатькә кыскарак булачак.

Шул ук вакытта, Татарстан халкы өчен узган эш атнасы да Ураза бәйрәмен билгеләп үтү аркасында кыска атна булды. Әлеге бәйрәмнең беренче көне (быел ул 4 июньгә туры килде) республикада бәйрәм көн санала.

Россиялеләрне быел көзен тагын бер чираттагы озын ял көннәре (2-4 ноябрь) көтә.

Татар-информ

Кызыклы яңалыкларны күзәтеп бару өчен безнең МАХ каналына кушылыгыз.