Булачак пенсия күләмен ничек исәпләргә була?

Пенсиянең фиксацияләнгән өлеше бөтен кеше өчен дә бертөрле һәм хәзер ул 7 567,33 сумны тәшкил итә.
Пенсия коэффициентлары индивидуаль. Һәр кеше аларны үз хезмәт чорында үзе эшли. Бер коэффициентның бәясе елдан-ел үзгәрә, бүген ул 123,77 сум.
Пенсиянең күләмен белер өчен түбәндәге формуланы кулланырга кирәк: пенсия коэффициентлары суммасы (ПК) × ПК бәясе + фиксацияләнгән түләү.
Мәсәлән, пенсионерның 120 баллы тупланган булса, ул 22 419,73 сум күләмендә иминият пенсиясе ала: 120 × 123,77 + 7 567,33.

Пенсия күләмен ничек арттырырга?
Кеше пенсиягә соңрак чыгарга мөмкин. Пенсиягә чыгуны 5 елга кичектереп, аны 50 процентка диярлек арттырып була, ә 10 елга соңрак чыксаң, ул ике тапкырга артачак.

Киләчәк пенсия күләменә кеше эшләгән, хезмәт хакы алган һәм аның өчен эш бирүче тарафыннан иминият взнослары түләнгән вакыт кына түгел, ә иминият булмаган чорлар да тәэсир итә.
Алар өчен пенсия коэффициентлары исәпләнә. Мәсәлән, беренче баланы карау елы 1,8 балл, ә өченче баланы карау елы инде 5,4 балл, ягъни өч тапкыр күбрәк. 

Армиядә хезмәт иткән өчен дә пенсия коэффициентлары исәпләнә, ел 1,8 балл белән бәяләнә.
Тагын бик мөһим чор бар – эшкә яраксыз кешене карау. Бу очракта да ел саен 1,8 балл исәпләнә.