#Кыскача яңалыклар 26 сентябрь 2018, 11:27

«Булгария» теплоходы батуда гаепләнүче иреккә чыккан

26 сентябрь 2018, 11:27

«Булгария» теплоходы батуда гаепле булган Светлана Инякина иреккә чыгарылган. 2015 елда суд аны 11 елга хөкем иткән иде. Аннары бу срокны 9,5 елга калдырдылар.

Скопировать ссылку

Инякина каты режимлы колониягә озатылды, әмма ул анда өч елдан артык кына утырды. «АгроРечТур» компаниясенең элеккеге башлыгы иреккә алты ел алдан чыгарылды. Аны колониядән яңа закон нигезендә чыгарганнар. Закон буенча, тикшерү изоляторында утырган бер көн каты режимлы колониядәге 1,5 көнгә тиң. Моннан тыш Инякина амнистиягә эләккән.

Исегезгә төшерәбез: «Булгария» теплоходы 2011 елның 10 июлендә Иделдә батты. Әлеге фаҗига аркасында 122 кешенең гомере өзелде, аларның 28е – балалар иде. 79 кешене коткарып калдылар.

Кызыклы яңалыкларны күзәтеп бару өчен Т елеграмга кушылыгыз.

#«Булгария»