Булмаган баласы өчен ялган документлар белән ана капиталы алган

Хатын бер танышы аркылы туу турында ялган таныклык ясаткан. Әлеге таныклыкта язылганча, узган елның мартында аның улы туган.

Ул күпфункцияле үзәккә 360 мең сум күләмдә ана капиталы алу өчен документлар тапшырган. Һәм морадына ирешкән – узган елның апреленнән быелның февраленә кадәр акча алган.

Ана кешенең өч баласы барлыгы да ачыкланган. Мондый юл белән ана капиталы очраклары еш булмаса да, булып тора. Ләкин хокук саклау органнары җинаятьчеләрнең эзләренә төшә.