#Кыскача яңалыклар 25 май 2017, 12:54

Быелгы чыгарылыш сыйныфы укучылары саны 50 меңнән арткан

25 май 2017, 12:54

Бу көннәрдә Татарстан мәктәпләрендә «Соңгы кыңгырау»лар чыңлый. Башкала укучылары әлеге күңелле дә, моңсу да булган бәйрәмне 23 майда билгеләп узганнар иде. Казан мәгариф идарәсеннән хәбәр итүләренчә, башкала мәктәпләрен быел 5313 укучы тәмамлый. Аларның 586сы алтын медальгә дәгъва итә.

Скопировать ссылку

Ә бүген исә республика районнарындагы чыгарылыш сыйныф укучылары өчен чыңлады кыңгыраулар. Быел Татарстанның 15 меңнән артык егет һәм кызы - XI , ә 34 471е IX сыйныфны тәмамлый. Күңелле бәйрәмнәр төгәлләнгәч, зур сынаулар каршы алачак укучыларны. Иртәгә алар өчен Бердәм дәүләт имтиханы бирү кампаниясе башлана. Беренче имтиханны укучылар инглиз теленнән тапшырачак. Соңгы имтихан исә 1 июльгә билгеләнгән.