Өч районда утны бетерәләр

Иртәгә, 31 мартта, Казанның Вахитов, Идел буе һәм Совет районнарындагы кайбер йортларда, график нигезендә, ремонт эшләре алып барылу сәбәпле, электр уты сүндереләчәк.
Совет районының Г. Кутуй урамы 161 нче йортында, Вахитов районының Лобачевский урамы 15/32, Тельман урамы 5, 13, Театр урамы 13а йортларда, Идел буе районында Борисково бистәсендәге шәхси секторда - Түбән Кама урамы, 2 нче Түбән Кама урамы, Тихорецк урамы, Техника урамы буенча урнашкан торак йортларда иртәнге сәгать сигездән кичке бишкә кадәр ут булмый.