Чаллыда мәктәп укучысы бозымны бетерү өчен 76 мең сум акчаны күрәзәчегә биргән

Социаль челтәрләрдә кыз күрәзәче хатын белән таныша. Тегесе балада көчле бозым барлыгын һәм аны юк итәргә кирәклеге турында әйтә. Күрәзәче үз хезмәтләрен 76 мең сумга бәяләгән.

Курыккан бала әлеге хатын-кыз сүзләренә ышанган. Ул әти-әнисенең 76 мең сум акча урлаган һәм аларны күрәзәчегә биргән.

Тиздән бу хакта кызның әнисе белеп ала һәм полициягә мөрәҗәгать итә. «Мошенниклык» маддәсе буенча җинаять эше кузгатылган.