Чирмешән укытучылары үз укучыларына булыша

Әлеге хәйриячелек акциясен 1нче Чирмешән мәктәбе укытучылары башлап җибәргән. Педагоглар 17 укучыга азык-төлек пакетлары тапшырган. 

Әккәрәй мәктәбе укытучылары дистанцион укыту вакытында бик кирәк булган интернет чыгымнарын каплаганнар – 12 укучыга шул максатлар өчен акча күчергәннәр.

Иске Кади укытучылары 2 укучыга интернеттан файдаланган өчен түләүгә акча һәм азык-төлек пакеты биргәннәр.

Ульяновка авылыннан күп балалы Ивановлар һәм Утыз Имәннән Зыяковлар гаиләләре дә ярдәм алган.

Чирмешән лицеенда укучы 5 балага азык-төлек пакеты, 2 укучыга интернет өчен түләүгә акча биргәннәр. Иске Котыш һәм Кармыш мәктәпләре укытучылары да бу акциядән читтә калмады, авыр тормыш хәлендә калган гаиләләргә ярдәм иттеләр. 

Фото һәм чыганак: http://nashcheremshan.ru/