#Кыскача яңалыклар 12 ноябрь 2021, 12:11

Чит ил вакцинасы кадаткан россиялеләрне илгә кертмиләр?

12 ноябрь 2021, 12:11

Татарстан Транспорт министрлыгы самолетларда һәм поездларда Q-кодлар системасын кертү шартларында мәсьәләне ничек хәл ителәчәген әлегә белми. Россиядә самолётларда һәм поездларда QR-кодлар кертү буенча актив рәвештә фикер алышу бара.

Скопировать ссылку

Татарстан транспорт һәм юл хуҗалыгы министры урынбасары Андрей Егоров билгеләп үткәнчә, әлегә чит ил вакцинасы кадаткан россиялеләрне илгә кертү-кертмәү мәсьәләсе ахыргача хәл ителмәгән.
- Хәзерге вакытта бу мәсьәлә федераль дәрәҗәдә эшләнелә, монда конкрет карарлар юк. Бәлки, QR-кодсыз кеше самолётка яки поездга билет сатып ала алмаячак - мин шулай дип уйлыйм. Әмма бу техник яктан ничек булачак, әлегә бу хакта ачыклык кертә алмыйм, билетлар сатып алу онлайн аша үткәрелә бар бит. Әйдәгез рәсми документны көтик, - дип белдерде Егоров.

Кызыклы яңалыкларны күзәтеп бару өчен безнең МАХ каналына кушылыгыз.