Чүплектән ашап 2 миллионга отышта калган

2019 елның февралендә Сахар Хәлили кибеткә эшкә урнашкан. Көн саен күпме бозылмаган ризык ташлауларын аңлап гаҗәпләнгән.

“Австралиялеләр ел саен 7,6 миллион тонна азык-төлекне чүплеккә ата, аларның 70 проценты ашарга яраклы” - ди Сахар. Шулай хатын-кыз чүплеккә ташланган ризык белән генә тукланырга карар кыла. Элегрәк, ул ашауга атнасына 75 фунт (9,5 мең сум) сарыф иткән. Ә чүплектән туклану аңа дүрт ел эчендә 16 мең фунтны (якынча 2 миллион сум) янга калдырырга ярдәм иткән. Сахар Халили продуктларның яраклылык срогын карарга, аларның вакуум савытларын тикшерергә һәм ризыкны яхшылап юарга кирәк дип искәртә. Беренче тапкыр чүплектә казынганда Хәлили йогурт, туңдырма, сөләйман стейклары, сыр, ташкабак һәм грушалар тапкан.

Хәлилинең суыткычында чүплектән табылган ашарга яраклы ризыклар шулкадәр күп булган ки, хәтта алар белән дусларын да сыйлый башлаган. Сахар Хәлили Мельбурнда шундый бер оешма да төзегән. “2022 елда 152 килограмм ризыкны чүплектән коткардык” , - дип уртаклашкан ул.