РФ Дәүләт Думасы депутатлары «дача амнистиясен» киңәйтү турында канун проектын карауга тәкъдим итте.
Аңлатма язуыннан күренгәнчә, милек хокукларын рәсмиләштерүнең гадиләштерелгән ысулы итеп торак кына түгел, ә хуҗалык корылмаларын да кертергә тәкъдим ителә. Моңа мунчалар, теплицалар, корылмалар, баз, коелар, җәйге ашханәләр, сарай керә.
Мондый корылмалар 2013 елның 1 гыйнварына кадәр йорт хуҗалыгы составында техник исәптә яки дәүләт исәбендә билгеләнергә тиеш.
Шулай ук күп фатирлы йортларга да милек хокукларын бушлай рәсмиләштерү механизмын таратырга тәкъдим ителә.
Документта күрсәтелгәнчә, Россия Федерациясенең 62 субъекты территориясендә 1850 елдан 1999 елга кадәр төзелгән 66 меңнән артык ике фатирлы торак йорт урнашкан, аларда хокук билгеләүче документлар юк, һәм кешеләр аларны суд аша гына рәсмиләштерә ала.
Моннан тыш, закон проекты белән төрле катлы гаражларны рәсмиләштерү тәртибе турында «гараж амнистиясе» нигезләмәләрен төгәлләштерү тәкъдим ителә.
Комментарийлар