#Кыскача яңалыклар 04 август 2016, 12:14

Депутатлар бәяләрне тикшереп тора

04 август 2016, 12:14

«Бердәм Россия» партиясе фракциясе Дәүләт Советында сәүдә эшчәнлеге турындагы Федераль законның үтәлеш мониторингын уздырачак. Татарстан Дәүләт Советы рәисе Фәрит Мөхәммәтшин сүзләренчә, «Бердәм Россия» депутатлары инициативасы белән Дәүләт Думасында кабул ителгән социаль әһәмияткә ия законнарның хокукый практикада кулланылышын тикшерү өчен мониторинг төркем булдырылачак. Мониторинг төркеменә депутатлар, профессиональ берләшмә вәкилләре һәм җәмәгатьчелек...

Скопировать ссылку

- Безнең республика өчен иң әһәмиятлесе - сәүдә турындагы закон. Татарстанның авыл хуҗалыгы җитештерүчеләре продукциясен сәүдә челтәрләре аша сату өлешен арттырырга уйлыйбыз. Үзебез җитештергән продукция белән тәэмин итүнең сыйфатын яхшыртып, бәя сәясәтен дә көйләп тору максатын күз алдында тотабыз, - ди Фәрит Мөхәммәтшин.

Парламент рәисе фикеренчә, әлеге закон эре сәүдә челтәрләренә генә түгел, районнардагы торак пунктларның сәүдә нокталарында яңа шартлар тудыруга да кагыла.

Мониторинг төркеме Авыл хуҗалыгы һәм азык-төлек министрлыгы, эре сәүдә челтәрләре вәкилләре белән эшли. Җирле авыл хуҗалыгы җитештерүчеләрнең, сатучыларның, иң мөһиме, сатып алучыларның мәнфәгатьләрен оптималь дәрәҗәдә үтәү буенча консультацияләр алып бара.

- Мондый мониторинг бик мөһим. Бу шулай ук импортны алмаштыру программасына да кагыла. Мониторинг аша сәүдә эшендә тәртип урнашыр дип уйлыйбыз, - ди Фәрит Мөхәммәтшин.

Кызыклы яңалыкларны күзәтеп бару өчен Т елеграмга кушылыгыз.