#Кыскача яңалыклар 10 июль 2020, 10:43

Дәүләт тагын 50 шәр мең акча бирмәкче, ди

10 июль 2020, 10:43

Спорт белән шөгыльләнүче балалары булган әти-әниләргә һәм опекуннарга 50 шәр мең сум күләмендә пособие бирелүе ихтимал. Әлеге закон проектын РФ Спорт министрлыгы әзерләгән, дип яза "Утро.ру" сайты.

Скопировать ссылку

Матди ярдәмне салым ташламасы итеп рәсмиләштерү күздә тотыла. Спорт түгәрәкләренә балаларын йөрткән ата - аналар яисә опекуннар түләүле хезмәтләрдән файдаланган өчен елына бер тапкыр салымнарын кире кайтара алачак. Кайтарылган сумма һәр балага 50 мең сумга кадәр җитәргә мөмкин.

Закон проекты авторлары фикеренчә, әлеге гамәл балаларны тагын да активрак спорт белән шөгыльләнергә җәлеп итә ала. Инициатива хуплаган очракта, ул 2020 июненнән дип гамәлгә кертеләчәк.

Кызыклы яңалыкларны күзәтеп бару өчен безнең МАХ каналына кушылыгыз.

#акча #бала өчен пособие