Элекке сәламәтлек саклау министры Марат Садыйковның әнисе вафат булган

Бу хакта Татарстан Сәламәтлек саклау министрлыгының матбугат хезмәте "Татар-информ" агентлыгына хәбәр иткән.

Татарстан Республикасы Сәламәтлек саклау министрлыгы, хатыны вафат булу сәбәпле, Татарстанның сәламәтлек саклау ветераннар Советы рәисе Наил Сәлах улы Садыйковның авыр кайгысын уртаклаша.

Назирә Шәйхелислам кызы Садыйкованы 26 февральдә җирләячәкләр.

Исегезгә төшерәбез, Марат Садыйков нәкъ бер ай элек, 29 гыйнварда вафат булды.