#Кыскача яңалыклар 08 март 2018, 12:31

Эт җинаятьчене тапкан

08 март 2018, 12:31

Түбән Кама полицейскилары кеше сәламәтлегенә зыян салуда гаепләнүчене эт ярдәмендә тоткарлаганнар. Овчарка хокук саклау хезмәткәрләрен шикләнүченең эзе буйлап аның фатирына алып барган.

Скопировать ссылку

6 март көнне полиция бүлекчәсенә подьездда яралы ир-ат ятуы турында хәбәр итәләр. Күкрәк читлеге яраланган ир-атны хастаханәгә озаталар, оператив-эзләнү төркеме хәлне ачыкларга керешә. Төркемдә кинолог та була, эт эзне таба һәм җинаять булган фатирга алып бара. Соңыннан ачыкланганча, зыян күрүчегә 59 яшьлек ир-ат пычак белән һөҗүм иткән.

Җинаять булган көнне ирләр спиртлы эчемлек кабул итәләр. Бәйрәм итеп утырганда зыян күрүче алар белән бергә булган хатын-кызга яный башлый. Низаг барышында шикләнүче ир-ат янаучыга пычак белән кадый. Соңыннан аны фатирдан подьездга чыгарып куйган була.

Фото: mybestdogs.ru

Кызыклы яңалыкларны күзәтеп бару өчен безнең МАХ каналына кушылыгыз.

#хокук саклау