Федераль Сабан туе батырына да, ат чабышында беренче килүчегә дә бүләккә машина бирелә

Бәйрәмне оештыру эшләре буенча сөйләшүләр башланган инде. Федераль Сабан туе 12-13 майда узар дип көтелә. Чарада, традиция буенча, Татарстан җырчылары да катнашачак. Көрәш батырына машина бүләк ителер дип уйлыйлар. Шулай ук ат чабышларында беренче килүчегә дә бүләккә машина әзерләячәкләр. Сабан туе турындагы тулырак мәгълүмат гыйнвар аенда, бәйрәмне оештыру турындагы җыелыштан соң билгеле булачак.