Фирдүс Тямаевны кабат Уфага "кертмиләр"

Бу хакта җырчы инстаграмда хәбәр итте.

“Уфада яшәүче кадерле тамашачым! Кызганычка каршы, Уфада 5 көн рәттән буласы концертларым өзелде. Бүген хат җибәрделәр - рөхсәт юк! Ярар әле Уфага килеп җиткәч әйтмәделәр, анысы өчен дә зур рәхмәт. Сезнең алдыгызда гафу үтенәм. Кәефләрне төшермибез. Только вперед! Мин сезне просто люблю и все!” - дип язган Фирдүс.

Фирдүснең Уфадагы концертлары 13-18 декабрьдә булырга тиеш булган. Беренче концертлары исә апрельдә өзелгән иде. Фирдүс тамашачыларыннан һәм төркеменнән гафу үтенде, май яки июнь аенда Татарстан белән Башкортстан чигендә ачык һавада бушлай концерт куячагын әйтте.