Фәрит Мөхәммәтшин: “Ел саен авылларда 80-90 мең кеше кими”

Әмма ул безне акламый һәм бизәми. Без авылның йөзе югалуын күрәбез. Бары авылларда гына без үзебезнең үзенчәлекләребезне - гореф-гадәтләребезне, телебезне, йолаларыбызны, мәдәниятебезне саклап кала алабыз. Казанга килеп югалалар: русы - татарга, чувашы керәшенгә өйләнә. Шулай буталып бетәбез дә, ана телен онытабыз. Ә бит җәмгыять гореф-гадәтләрдә тора. Эшмәкәрлеккә ярдәм итүнең зур миссиясе әнә шуннан гыйбарәт.

Бүген Татарстанның Фермерлар, крестьян хуҗалыклары һәм авыл хуҗалыгы кооперативлары ассоциациясенең XVII съездында чыгыш ясаганда Татарстан Дәүләт Советы Рәисе Фәрит Мөхәммәтшин әнә шулай дип белдерде.

Фәрит Мөхәммәтшин әйтүенчә, бүген республикада 35 программа тормышка ашырыла. Социаль әһәмияткә ия программалар нигезендә мәдәният йортлары, ветеринарлар, фельдшерлык пунктлары төзелә. Бу программалар халыкны авылларда калдырырга ярдәм итәргә тиеш. Хәзерге вакытта авылларда төрле тармаклар буенча эшмәкәрлек киң җәелгән. Пилорамнар, кошчылык, умартачылык һәм башкалар.

- Һәм без боларның барысына да ярдәм итәргә тиешбез. Ләкин сез дә үз чиратыгызда шушылар белән кызыксынган кешеләрне табарга ярдәм итегез, башкаларны да кызыксындырыгыз. Алар сезнең көндәшләр булыр дип курыкмагыз. Район башлыклары белән дә актив эш алып барыгыз, - дип мөрәҗәгать итте ул фермерларга.

Татарстанның Фермерлар, крестьян хуҗалыклары һәм авыл хуҗалыгы кооперативлары ассоциациясенең XVII съездыннан язманың тулы вариантын алдагы көннәрдә укый алачаксыз.