«Геройлар узышы» җиңүчесе билгеле булды

Казанда "Геройлар узышы. Яңа биеклек" масс-старт җиңүчесе билгеле булды. Ул - Камил Заһидуллин, дип хәбәр итә Татар-информ.

10 чакрым араны һәм 23 сынауны узу өчен егеткә 1 сәгать 34 секунд вакыт кирәк булган.
"Үз күрсәткечләрем белән канәгатьмен. Сынауларны һәм әлеге араны шушы вакытта узып чыгармын дип уйламаган идем. Дистанциядә хәтта кайбер инструкторлар да минем җитезлеккә шаккатты. Сынаулар төрле иде: кайберләрен җиңел генә үтсәм, арада катлаулылары да булды", - диде спортчы финишка килеп җиткәч.

Исегезгә төшерәбез, хәрби-патриотик "Геройлар узышы" ярышы Татарстанның Югары Ослан районында узды.