#Кыскача яңалыклар 02 август 2022, 09:37

Гөлдания Хәйруллина хастаханәгә эләккән

02 август 2022, 09:37

Татарстанның атказанган артисты Гөлдания Хәйруллина белән күңелсез хәл булган.

Скопировать ссылку

Татарстанның атказанган артисты Гөлдания Хәйруллина белән күңелсез хәл булган.

Җырчы кулын сындырган. Хәзерге вакытта ул хастаханәдә ята.

"Барысы да кичә кич белән минем өйдә башланды. Әни киемен алыштырырга кереп барганда, ялгыш баланың уенчыгына басып егылды. Кулы белән бәрелде. Бик авыртты. Травмпункт эзләп киттек. "Бу вакытта бикледер инде, иртәгә барырмын әле", - диде әни. Чынлап та, без барган урыннар бикле иде. Аннан соң РКБга киттек. Рентген ясаганнар иде, кулы сынган булып чыкты. РКБ табибларына зур рәхмәт", - дип язган Гөлдания апаның кызы Лилия Хәйруллина.

Гөлдания апаның тизрәк савыгуын телибез.

Кызыклы яңалыкларны күзәтеп бару өчен безнең МАХ каналына кушылыгыз.