#Кыскача яңалыклар 15 сентябрь 2017, 10:53

ГТОны иң яхшы тапшырган гаилә Татарстанда яши

15 сентябрь 2017, 10:53

«Бөтен гаиләләр ГТОсы» гомумроссия бәйгесендә республикадан Гатиннар гаиләсе «Иң яхшы катнашучы гаилә» номинациясендә җиңү яулап кайтты.

Скопировать ссылку

Гаилә башлыгы 50 яшьлек Рафис Гатин - гомерен спортка багышлаган кеше. Ул - «Яшьлек» балалар һәм яшүсмерләр спорт мәктәбе тренеры. Моннан дүрт ел элек Рафис «Зәй районының иң яхшы 25 әтисе» акциясендә катнашып, район җитәкчесе тарафыннан рәхмәт хатына ия булган. Кызы белән улы да, әтисеннән үрнәк алып, спортка омтылып үсә.

Россиякүләм бәйгедә Татарстан Республикасы исә «ГТО нормаларын тапшыруга гаиләләрне, балалар белән ата-аналарны җәлеп итүдә иң яхшы нәтиҗә күрсәткән төбәк мәгариф идарәсе» номинациясендә җиңү яулады.

Җиңүчеләрне 17 сентябрь көнне «Бөтен гаиләләр ГТОсы» гаилә фестивалендә тәбрикләячәкләр.