Хәерле ял көннәре телибез сезгә!

Бүген "Казанринг" автодромында боҗралы узыш буенча Татарстан кубогының соңгы көне. Тамашачыларны Иделбуе федераль округының иң көчле пилотлары чыгышы көтә.

Күргәзмәдә узган гасырның кием-салымнарын, савыт-сабаларын, көнкүреш әсбапларын, иске китапларны сатып алырга мөмкин.

"Ленин" исемендәге мәдәният йортында "Этләр балы" бәйрәме уза. Чарада килгән кунакларга кызыктыргыч бәйгеләр һәм бүләкләр уйнатыла, дүрт аяклы дусларга чын бал оештырыла, биредә шулай ук гадәти булмаган фотосурәтләр дә ясарга мөмкин.

УНИКСта "Подкаблучники" спектакле күрсәтелә. Әсәрнең нигезендә бер гаилә тарихы ята. Марк һәм Аннаның бергә яши башлауларына бер ел тулган. Ләкин икенче көнне үк аларның фатирларына төрмәдән Аннаның беренче ире кайтып төшә һәм алар бер түбә астында яшәргә мәҗбүр. Мондый очракта көрәшергә кирәкме? Кемгә? Кем белән?

Сәлимҗанов исемендәге актерлар йортында күзләре күрмәүче яшь музыкантларның концерты уза. Композитор һәм автор-башкаручы Дмитрий Бикчентаев җитәкчелегендәге "НеЗаМи" коллективы үзләренең яңа альбомнарын тәкъдим итә. Чарага керү - бушлай.

Әлеге чаралардан тыш, башкаланың театр заллары да тамашачыларны үзләренә чакыра. Бүген К.Тинчурин исемендәге татар дәүләт драма һәм комедия театрында - сәгать 17.00 дә "Мәхәббәт бакчасы" (Шамил Фәрхетдинов, Рәшит Заһидуллин) спектакле, Г. Камал исемендәге татар дәүләт академия театрында сәгать 18.00дә "Җилкәнсезләр" (К.Тинчурин) драмасы күрсәтелә. Ә "Әкият" Татар дәүләт курчак театрында - "Муха-цокотуха" әсәре (Башлана: 11.00, 13.00 сәгатьләрдә), Казан дәүләт яшь тамашачылар театры "Здравствуй, я ваша тетя" пьесасын тәкъдим итә. Вакыты: 18.30.