#Кыскача яңалыклар 23 май 2017, 10:17

Хәйрия ярминкәсендә 5 миллион сум акча җыелган

23 май 2017, 10:17

Казанда язгы чордагы игелекле эшләр декадасы үтте. Әлеге чара кысаларында Горький исемендәге үзәк мәдәният һәм ял паркында, «Континент» паркында, Горки-Әмәт урманлыгында, Химиклар мәдәният сарае янындагы наратлыкта «Игелек ярминкәсе» оештырылды. Аларда мәктәп укучыларының кул эшләнмәләре, тәм-томнар сатылды.

Скопировать ссылку

Ярминкәдә 5 миллион сум акча җыелган. Казан мэры Илсур Метшин шушы чараны оештыручыларга, мәктәпләр директорларына һәм ата-аналарга рәхмәт әйтте.

- Без төрле бәяләмәләрне ишетәбез, шул исәптән социаль челтәрләрдә дә, - диде мэр «эшлекле дүшәмбе» киңәшмәсендә. - Ләкин иң дөрес лакмус кәгазе ул - балаларның күз карашлары, аларның шушы хәйрия чарасында катнашырга омтылышы. Балалар моны белеп-аңлап башкарды. Бу зур акча. Эш акчада гына да, аның күләмендә генә дә түгел. Эшнең хәйрия эчтәлегендәге асылы һәм мөнәсәбәт - иң әһәмиятлесе.
Игелек ярминкәсендә 500 мәгариф учреждениесе катнашкан.

Ярминкәләргә 50 мең кеше килгән. Илсур Метшин үзе Горки-Әмәт урманлыгындагы ярминкәдә булган.

Җыелган акча шәһәрнең, Добро Мail.Ru сервисы тикшерүен узгач, хәйрия фондларына күчереләчәк.