#Кыскача яңалыклар 29 август 2015, 13:50

“Иң зур кабак үстер” бәйгесенә кил

29 август 2015, 13:50

23 сентябрьдән 27 сентябрьгә кадәр Татарстан Республикасы башкаласында, "Казан ярминкәсе" ачык акционерлык җәмгыятенең күргәзмә үзәге территориясендә 17 нче тапкыр "Яшел хуҗалык: көзге чор" дигән махсус күргәзмә үтә.

Скопировать ссылку

Күргәзмә экспозициясе белән танышырга дип ел саен бирегә 20 меңгә якын кеше килә.
Күргәзмәдә Россия һәм БДБ илләренең 100дән артык компаниясе бакчачылык өчен кирәк булган файдалы товарлар, шул исәптән утырту материалларын да тәкъдим итәчәк. Күргәзмәдә күңел ачу программасы да каралган.
Шунысы кызыклы: бу елгы күргәзмә кысаларында "Иң зур кабак үстер" бәйгесен үткәрү каралган. Әлеге чарада катнашу өчен үз кулларың белән үстергән кабакны 21нче сентябрьдән 23нче сентябрьгә кадәр "Казан ярминкәсе" ачык акционерлык җәмгыятенең күргәзмә үзәгенә алып килергә кирәк. 23нче сентябрь, ягъни күргәзмәнең беренче көнендә, уңышны үлчәп караганнан соң, бәйгенең җиңүчесе сайлап алыначак.