«Ядәч! Истә!» фильмы - 10 номинациядә

Әлеге фильм Илһам исемле маланың җәйге каникулларда авылга –  әби-бабайсы янына кайткач күргән маҗаралары турында.  Алты яшьлек Илһам каникулларны авылда уздыра һәм әти-әнисен бик юксына. Оныгының ничек тә күңелен күрер өчен, бабасы «Ядәч! Истә!» дигән легендар уенны исенә төшерә. Баштарак бу Суфия әбекәйгә бер дә ошамый.

Шулай да тора-бара әлеге уен аркасында шушы гаиләнең генә түгел, бөтен авылның тормышы һәм хыяллары үзгәрә башлый. 

Байбулат Батулланың «Ядәч! Истә!» фильмы «Короче» фестиваленең тулы метражлы дебютлар программасында катнашкан иде. Инде менә соңгы яңалык әлеге фильм "Ника" кинопремиясенең исемелегенә кертелгән. Фильм ун номинациядә катнаша.