“Интерны”, “Час Волкова” сериаллары аша таныш булган актер вафат

Тамашачыларга “Интерны”, “Час Волкова”, “Физрук”, “Последний министр” проектлары аша таныш булган актер Максим Пинскер вафат булган.

Актерның үлеме хакында хәбәр кичә, 24 августта тарала. Максим Калугада съемкаларда булган. Аннан кайткач сәламәтлегенә зарланган, аягына баса алмаган. Якыннары ашыгыч ярдәм чакырткан. Соңрак ачыкланганча, инфекция актерның арка миенә эләгеп, канын зарарлаган. Максимның шул сәбәпле сулыш алуы туктаган, диелә хәбәрдә.

Максим Пинскерга бары 58 яшь булган.