#Кыскача яңалыклар 08 февраль 2019, 11:21

Исемең сирәк – кемнәр кушкан: казанлылар балаларына Бари, Солтан, Серж, Теодор исемнәрен биргән

08 февраль 2019, 11:21

Узган атнада Казанның Гражданнар хәле актларын теркәү бүлекләрендә 347 бала (180 малай һәм 167 кыз) тууы теркәлгән.

Скопировать ссылку

Бу турыда Казан мэриясенең матбугат хезмәтенә сылтама белән Татар-информ хәбәр итә.

Казанның иң яшь анасына 19 яшь булса, иң өлкәненә – 45. Иң яшь әтигә 19 яшь булса, иң өлкәненә – 53. Туган вакытта минималь һәм максималь бала авырлыгы күрсәткечләре - 1100 һәм 4720 грамм.

Атна дәвамында иң еш кушылган исемнәр: Камил, Әмир, Кәрим, Айлин, Адель, Эмиль, Ибраһим, Ева, Мәрьям. Сирәк кушылган исемнәр: Бари, Солтан, Амиран, Алана, Лея, Ульяна, Марта, Серж, Теодор, Ярослава.

Шушы ук чорда Гражданнар хәле актларын теркәү бүлекләрендә 95 пар никахларын рәсмиләштергән.

Кызыклы яңалыкларны күзәтеп бару өчен безнең МАХ каналына кушылыгыз.