Ишегалларында өч меңләп машина кую урыны барлыкка киләчәк

Яз җиттеме, һәркем үзенең ишегалдын җыештыра башлый. Авылда гына түгел, шәһәрдә дә, бигрәк тә беренче катта яшәүчеләр, фатирлары алдындагы мәйданчыкны чистарта, чәчәкләр, куаклар утырта. Кемдер йорт алдына чәчәк клумбалары белән беррәттән төрле сыннар: машина көпчәгеннән каз, аю әмәлләп куя, агачтан тирмәннәр ясый. Кыскасы, һәркемнең дә тирә- юнен матур итеп күрәсе иклә. Шәһәр мэры Илсур Метшин да, ишегалларын төзекләндерүгә зур игътибар бирергә кирәклеген әйтә. Бу тәрбия максатыннан да эшләнергә тиеш, ди ул. Казанлыларның күбесе ишегалларында парковкалар җитмәүдән зарлана. Бу проблема аз булса да хәл ителер кебек. Ишегалларын һәм квартал эчендәге керү юлларын капиталь төзекләндерү максатыннан Казанда 3 меңнән артык машина кую урыны барлыкка килер дип көтелә.