Юстиция министры: Хәрби операция ветераннары һәм катнашучылары бушлай юридик ярдәм ала

Бүген барлык республика хакимият органнары, шулай ук адвокатлар һәм нотариуслар МХОда катнашкан егетләргә һәм аларның гаилә әгъзаларына ярдәм күрсәтүдә катнаша. Бушлай юридик ярдәм үзиреклеләргә, мобилизацияләнгәннәргә, контрактчыларга һәм аларның гаилә әгъзаларына бирелә. Бу хакта Татарстан юстиция министры Рөстәм Заһидуллин турыдан-туры элемтә вакытында сөйләде.

— Еш кына акчалата тәэмин итү, социаль ярдәм чаралары, ташламалар белән бәйле мәсьәләләр, шулай ук кешене хәбәрсез югалган яки үлгән дип тану буенча ярдәм итү буенча төрле мәсьәләләр карала. Ләкин без аңлыйбыз, тормыш ситуацияләре күпкә күбрәк. Шуңа күрә без барлык мәсьәләләрдә дә ярдәм итәргә тырышабыз. Мәсәлән, ноябрь ахырында безгә хәрби хезмәткәрнең хатыны мөрәҗәгать итте. Кызганычка каршы, хәрби бурычыбызны үтәгән вакытта аның ире һәлак булган һәм мирас мәсьәләсе буенча сорау килеп туган. Һәлак булган хәрбинең хатыны нотариус белән мирас буенча кәгазьләр тутыра башлый һәм гараж астындагы участокның милек итеп рәсмиләштерелмәве һәм ул мирас массасына кертелмәве ачыкланды, – ди министр.

Рөстәм Заһидуллин сүзләренчә, барлык шартларны ачыклаганда, ир-атның гараж өчен дөрес түләве, аны куллануы һәм, бераз соңрак, участок өчен документлар табылуы турында билгеле булган.

— Безнең Татарстан Дәүләт юридик бюросы хезмәткәрләре бу милекне үлгән кешенең милке хокукында тану һәм аны мирас массасына кертү өчен дәгъва гаризасы төзергә булышты. Закон буенча туганнары аны үз милке итеп ала һәм милек белән идарә итә алсын өчен эшләнелә бу. Хәзер хәлне контрольдә тотабыз, - дип йомгаклады сүзен Заһидуллин.

РФ Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында күбрәк белү өчен heroes-tatarstan.ru яки 117 телефоны буенча шалтыратырга була.