Кадыров Украина мөселманнарына мөрәҗәгать иткән

Чечня башлыгы Кадыров Коръәнне мыскыл иткәннәре өчен украин хәрбиләрен табарга һәм җәза бирергә вәгъдә итте.

Чечня башлыгы Рамзан Кадыров Коръән яндыручы украин хәрбиләрен табарга һәм җәзаларга вәгъдә итте. Ул үзенең телеграмма каналында ВСУ солдатларының видео урнаштырган, анда каршы як хәрбиләре Изге Китапны яндыру күрсәтелгән. Кадыров Корьәнне мыскыл иткән һәркемгә җәза биреләчәген ассызыклый.

"Мин чын күңелдән дога кылам, сез тиешле җәзагызны алачаксыз. Сезне табу һәм җәза бирү өчен мин көчемне дә, акчамны да кызганмыйм! Һәм мин Аллаһы Тәгаләдән сезнең соңгы сулышыгызны тизләтүен сорыйм", — дип язган республика җитәкчесе.

Кадыров украин хәрбиләренең әлеге гамәлен аларның "фашист-шайтан эчке дөньясын" күрсәтү дип саный. Ул шулай ук ВСУ сафларындагы мөселманнарга мондый "әшәке җаннар" белән бер якта булу кирәк идеме дигән сорау юллый.