Россиядә түрәләрне мыскыл иткән өчен җинаять җәзасы кертергә телиләр.
Дәүләт Думасының куркынычсызлык һәм коррупциягә каршы көрәш комитеты хакимият вәкилен ачыктан-ачык мыскыл иткән өчен 460 сәгатькә кадәр җәмәгать эшләре яки 2 елга кадәр төзәтү эшләре белән катгыйландырырга тәкъдим итә. Шулай ук 80 мең сумга кадәр штраф карала.
Интернетта түрәләргә карата сүгенү һәм мыскыллауларга килгәндә, моның өчен 1 млн сумга кадәр штраф янарга, 3 елга кадәр билгеле бер вазифаларны биләү хокукыннан мәхрүм итәргә, 480 сәгатькә кадәр мәҗбүри эшләр, 2 елга кадәр мәҗбүри эшләр яки 2 елга кадәр иректән мәхрүм итәргә җыеналар. Хөкүмәт әлеге инициативаны хуплаган инде.
Кызыклы яңалыкларны күзәтеп бару өчен Телеграм-каналга кушылыгыз.
0
Комментарийлар