#Кыскача яңалыклар 17 май 2020, 12:39

Карлыган яфрагы коронавирустан саклый

17 май 2020, 12:39

Карлыган элек электән халыкта да, медицинада да файдалы җимешләрнең берсе. Баксаң, җимешләре генә түгел, яфраклары да авыруларны дәвалауда бик булыша икән. Бигрәк тә хәзер яңа чыгып килә торган яшь яфраклар яхшы.

Скопировать ссылку

Кара карлыган яфрагы буыннар һәм бөер авыруларын дәвалауда кулланыла. Яфраклардагы С, К, Р витаминнары салкын тигәндә, подагра, ревматизм, сидек юллары авыруларын кисәтү өчен дә файдалы. Иң мөһиме, карлыган яфрагы витамин җитмәгәндә, иммунитетны ныгыту, вируслы авырулар белән көрәшкәндә алыштыргысыз. Карлыган яфракларын коронавирустан саклану чарасы буларак, организмны ныгыту өчен дә кулланырга була. Дөрес, чама хисен онытмаска кирәк. Артык күп карлыган чәе зыянлы булырга мөмкин, бигрәк тә аллергияле, тромбофлебит күзәтелгән кешеләргә сак булу сорала.

Карлыган яфрагы белән чәй әзерләү:
6 кара карлыган яфрагына 250 мл. кайнап чыккан кайнар су саласың. 15 минут сүрән утта кайнатып алсаң да ярый. Чәйне бал, шикәр комы, йә үзен генә дә эчәргә киңәш ителә.

Кызыклы яңалыкларны күзәтеп бару өчен безнең МАХ каналына кушылыгыз.

#карлыган