Казан аэропорты очышларның куркынычсызлыгын тәэмин итү өчен яңадан эшен туктатты

Мәскәү вакыты белән иртәнге 6:00 сәгатьтән Казан аэропорты эшенә вакытлыча чикләүләр кертелде. Бу карар Росавиация тарафыннан гражданлык һава судноларының очышлары куркынычсызлыгын тәэмин итү өчен кабул ителгән.

Хәзерге вакытта аэропорт авиарейсларны кабул итми һәм җибәрми. Һава суднолары экипажлары, авиадиспетчерлар һәм аэропортның барлык хезмәтләре куркынычсызлыкны тәэмин итү өчен кирәкле чаралар күрә.

Түбән Камадагы Бигеш запас аэродромына Томск, Сургут һәм Кемероводан авиарейслар күчерелгән.