Казан кызы “Новая волна”да катнаша

2-11 октябрьдә Сочида «Новая волна» халыкара конкурсы була. Анда Россия данын якташыбыз Камилә Измайлова яклаячак.

Камилә 1995 елда Казанда туган. Фигуралы шуу белән шөгыльләнгән кыз, музыка мәктәбендә дә укый.

Камилә 2007 елда балалар «Евровидение»сенең сайлап алу турының финалисты булган иде. «Йолдызлык» фестивале, «Битва хоров», «Фактор А» проектларында катнашкан кызга Сочи тамашачысы каршында имтихан тоту җиңелләрдән булмаса да, анда тырышлык һәм талант җитәрлек.

Ул эстрада-джаз сәнгате буенча музыка дәүләт колледжын тәмамлаган. Ә 2011 елдан Камилә Гнесиннар исемендәге Россия музыка академиясендә белем эсти.