Казанда авыл хуҗалыгы азык-төлеге белән сату итүдә яңа мәйданнар булдырыла

Өстәмә мәйданнар Чех базары артында Достоевский урамында, Краснококшайская урамындагы 150/2 йорт янында(«Җиләк бистәсе -Ягодная Слобода» сәүдә комплексы янәшәсендә) һәм Юдино бистәсендә Ильич урамы 1 йорт янында (Тимер юлъчылар мәдәният сарае каршында) оештырылачак.

Азык-төлекне иртәнге 7.00 дән 12.00 сәгатькә кадәр алып булачак, дип җиткерә Татарстан Авыл хуҗалыгы һәм азык-төлек министрлыгы матбугат хезмәте.

Искәртеп үтик, Татарстан башкаласында авыл хуҗалыгында җитештерелгән азык-төлек белән сәүдә итү һәр көнне 7 чатырлы мәйданнарда: Ю.Фучик урамы,72; Липатов урамы, 7; Зәкиев урамы, 12; Дементьев урамы, 7; .Беломорская һәм Гудованцев урамнары киселешендә; Батыршин урамы, 20 һәм Лаврентьев урамы, 10 адреслары буенча бара.