#Кыскача яңалыклар 13 гыйнвар 2017, 09:07

Казанда авыл хуҗалыгы ярминкәләре дәвам итәчәк

13 гыйнвар 2017, 09:07

Казанда 14 гыйнвардан авыл хуҗалыгы ярминкәләрен уздыру дәвам итәчәк. Авыл хуҗалыгы продукциясен сату гадәттәге урыннарда түгел, махсус корылган җиде мәйданчыкта узачак.

Скопировать ссылку

Бу турыда республиканың Авыл хуҗалыгы һәм азык-төлек министрлыгы матбугат хезмәте хәбәр итә.

Әлеге мәйданчыклар Юлиус Фучик урамы 64 нче йорт, Липатов урамы 7 нче йорт, Зәкиев урамы 12 нче йорт, Дементьев урамы 7 нче йорт, Беломорский һәм Гудованцев урамнары киселешендә, Батыршин урамы 20 нче йорт, Лаврентьев урамы 10 нчы йорт адреслары буенча урнашкан.

Чатырлы ярминкәләрдә авыл хуҗалыгы продукциясен һәр көнне 7.00 сәгатьтән 12.00 сәгатькә кадәр сатып алырга мөмкин булачак.

Кызыклы яңалыкларны күзәтеп бару өчен безнең МАХ каналына кушылыгыз.