Казанда өч мәктәптә карантин игълан ителгән, укучылар өйдә укыячак

62 нче мәктәптә – бер класс, 78 нче  лицейда – бер класс һәм 122 нче гимназиядә – ике класс (параллель тугызынчы сыйныфлар).карантин 25 сентябрьгә кадәр булачак.

Роспотребнадзор карары буенча, классның 20 проценты авыру сәбәпле укырга килмәсә, ул ябыла. Алар дистанцион формада укый. Казан мәктәпләрендәге хәлнең ОРВИмы, коронавирус аркасындамы икәне билгесез.
Татарстанның башка торак пунктларында карантинга ябылу очраклары юк.