Казанда һәм республика районнарында иң яхшы маммологлар бушлай тикшерү уздыра

Татарстан районнарында маммологик мобиль лабораторияләр эшли. Әлеге лабораторияларда республиканың маммология үзәге табиблары хатын-кызларга бушлай тикшерү уздыра. Белгечләр Лаеш һәм Яшел Үзән раойннарында булдылар инде, чиратта - Әтнә, Биектау, Арча, Балык Бистәсе, Саба, Питрәч районнары һәм Казан.

Әлеге яңа проект "Яшьләр институты" директоры Борис Менделевич тәкъдиме белән эшли башлады. Татарстанның алдынгы табиблары исә аның тәкъдименә бик теләп кушылдылар.

- Авыруны дәвалауга караганда, аны кисәтү күпкә җиңелрәк. Әйдәгез әле искә төшерик, без авыруны булдырмый калу өчен нәрсә эшлибез: вакытында тикшеренәбезме, спорт белән шөгыльләнәбезме, дөрес туклана һәм эчәбезме? Безнең сәламәтлек - үзебезнең кулда. Барыбыз бергә кулга-кул тотынышып эшләгәндә генә илебезнең сәламәтлек саклау өлкәсе дөньяда иң яхшысы булуына иманым камил, - ди Борис Менделевич.