Казанда намаз укыган өчен бөтен юлны япкан йөк машиналары йөртүчеләргә штраф салынган

Бу хәл Ломжинская урамында булган. Бу хакта Татарстан буенча Эчке эшләр министрлыгының матбугат хезмәте хәбәр итә.

Килеп чыккан хәлнең фотолары июль башында социаль челтәрләрдә таралган. Видеода ике йөк машинасының юл уртасында туктап торуын күрергә мөмкин. Транспорт янында намаз укучы ирләр күренә.

Татарстан буенча Эчке эшләр министрлыгында сөйләүләренчә, хокук бозучыларны тапканнар - алар Дагыстаннан, 39 яшьлек һәм 41 яшьлек ир-атлар. Аларда Россия Административ хокук бозулар кодексының өч маддәсе буенча административ материаллар төзелгән. Ир-атларны 8,5 мең сумга кадәр штрафка тартырга мөмкиннәр.