Казанда нәфис гимнастика буенча Россия беренчелеге узачак

Бүген Казанның Идел буе дәүләт физик тәрбия, спорт һәм туризм академиясендә нәфис гимнастика буенча Россия беренчелеге булачак. Турнир 2 мартка кадәр дәвам итәчәк. Ярышларда Россиянең 11 федераль округыннан нәфис гимнастика буенча 15 яшькә кадәрге категориядә 100гә якын иң көчле спортчы катнаша. Россия беренчелегендә беренче тапкыр Кырым федераль округыннан һәм Севастополь шәһәреннән спортчылар көч сыныша, дип хәбәр итә Татарстан Республикасы Яшьләр эшләре һәм спорт министрлыгының матбугат хезмәте.