Казанда яшәүче бертуганнар Әгерҗе районында авыл хуҗалыгы белән шөгыльләнә башлаган

Әгерже районының Иж-Бәйки авылында Казан егетләре кошчылык белән шөгыльләнә башлаган, дип яза "Татар-информ" мәгълүмат агентлыгы. Крестьян-фермерлык хуҗалыгының башлыгы - Азат Шахмин. Ә менә үрдәкләрне карау - аның абыйсы Раушан Имаметдинов һәм Илдар Зарипов җаваплылыгында. Иң беренче эш итеп алар Иж-Бәйкидәге бердәнбер ферма бинасын "Нәүрүз" ширкәтеннән арендага алып төзекләндергән. Күптән түгел фермага Лаеш кошчылык комплексыннан мең баш үрдәк бәбкәсе алып кайтканнар. Бу үрдәкләрне фәндә "Черри Велли", ә халык арасында "Рамай үрдәкләре" дип тә йөртәләр. Алар бик тиз үсәләр: 45 көннән соң чалсаң, итләре аеруча тәмле, файдалы була.

"Бәбкәләрне биш сәгать саен, хәтта төнлә дә ашатабыз. Көненә уртача 60 килолап азык китә, әлегә махсус комбиазык бирәбез, соңрак гадирәк ризыкка күчәргә уйлыйбыз", - ди эшмәкәрләр.

^{_{Фото: агрыз-рт.рф}}