#Кыскача яңалыклар 30 июнь 2018, 10:47

Казанда Зооботаника бакчасына кич белән килергә киңәш итәләр

30 июнь 2018, 10:47

Казанда зооботаника бакчасына килергә теләүчеләргә кич белән килергә киңәш ителә, дип яза Казан мэриясе сайты.

Скопировать ссылку

Эсселек аркасында хайваннар биналар эчендә яисә күләгәдә качып тора. Бигрәк тә аюлар һәм песиләр эсселекне бик авыр кичерә. Зооботаника бакчасы хезмәткәрләре хайваннарны эсселектән саклый. Хайваннарга тәүлек буе су биреп торалар. Аюлар һәрвакыт бассейнда су керә, шуңа күрә аларның суларын еш алыштырырга туры килә. Моннан кала, хайваннарга яшелчәләр, җиләк-җимеш һәм туңдырылган ит ешрак бирелә.

Искәртергә кирәк, Казан Зооботаника бакчасы көн дә тәнәфессез 8.30 сәгатьтән 20.00 сәгатькә кадәр эшли. Кассалар 19.00 сәгатьтә ябыла.

Кызыклы яңалыкларны күзәтеп бару өчен Т елеграмга кушылыгыз.

#казан #зоопарк