#Кыскача яңалыклар 28 гыйнвар 2017, 07:35

Кечкенә авылларда кибетләр төзиячәкләр

28 гыйнвар 2017, 07:35

Кечкенә авылларда яшәүчеләрнең күбесе кибетләр булмаудан зарлана. Анда халыкка еш кына район үзәгенә, кибет булган зуррак авылларга барып атналык ризыкны берьюлы алып куярга туры килә. Тиздән бу мәсьәлә хәл ителер кебек.

Скопировать ссылку

«Татар информ» хәбәр иткәнчә, Татарстанда модульле кибетләр төзергә уйлыйлар. «Авыл кибете» максатчан программасы кысаларында кечкенә авылларда да кибетләр булачак. Татарстан кулланучылар берлеге идарәсе җитәкчесе Мәхмүт Фәттахов хәбәр итүенчә, 100 һәм аннан да күбрәк йорт исәпләнгән авыл җирлекләрендә барлыгы 53 шундый кибет булдыру күздә тотыла. Киләчәктә дә 50 генә хуҗалык исәпләнгән авылларда да модульле кибетләр эшләр дип ниятлиләр.

Кызыклы яңалыкларны күзәтеп бару өчен безнең МАХ каналына кушылыгыз.

#250