Кичәге давыл бәла-казаларга китерде

Татарстанда көчле җил һәм давыл аркасында юлларда һәлакәтләр саны артты, торак йортлар утсыз, берничәсе түбәсез дә калды. Сарман районы Җәлил бистәсендә, Аксубай һәм Алабуга районнарында көчле давыл мәктәп, торак йорт түбәләрен алып аткан. Әлеге гадәттән тыш хәл төнлә килеп чыгу сәбәпле зыян күрүчеләр юк. Хәзерге вакытта төзекләндерү эшләре алып барыла.