Киләсе уку елында стипендияләр күпме булачак?

1 сентябрьдән алып Россия югары уку йортларында базалы стипендия күләме 1755 сум тәшкил итәчәк.

Көллиятләрдә һәм техникумнарда минималь стипендия 638 сум тәшкил итәчәк. Индексация күләме 4 процент булыр дип көтелә.

1 сентябрьдән социаль стипендияләр дә арта. Югары уку йорты студентларына 2634 сум, ә урта һөнәри белем бирү учреждениеләрендә 958 сум түләнеләчәк.

Узган уку елы белән чагыштырганда, уку йортларында стипендия фонды 3,3 млрд сумга арттырылган һәм хәзер 53,2 млрд сум тәшкил итә.