Кирәгеннән артык кеше утырткан? Минзәләдәге һәлакәтнең сәбәбен ачыклыйлар

Очучы Шәфкать Умаров "Татар-информ"га биргән шәрехләмәсендә һәлакәтнең төп сәбәпләреннән берсе итеп бортта кеше күплеген атаган.

"Әлеге самолет 15-16 кешегә исәпләнә. 20 парашютчы һәм ике экипаж әгъзасы - бу бик күп. Самолетка кирәгеннән артык кешенең утыруы һәлакәткә китергән булуы мөмкин. Әмма башка сәбәпләре дә булуы ихтимал - һава торышының начар булуы, самолетның техник төзексезлеге, самолетны йөртүдәге ялгыш... Әлбәттә, зур фаҗига бу", дигән Умаров.