#Кыскача яңалыклар 01 июнь 2017, 09:44

Конфедерация Кубогы алдыннан Россия җыелма командасы курортка киткән

01 июнь 2017, 09:44

Россиянең футбол җыелма командасы Конфедерация Кубогына кайда әзерләнә дип уйлыйсыз? Футболчылар Австриянең Альп тауларында ял итә.

Скопировать ссылку

Тренировкалары исә Нойштифт тау курортында үтә. Мондагы һава, тынычлык, табигать спортчыларга уенга ныклар әзерләнергә ярдәм итә, ди тренерлары. Футболчылар шәһәр читендәге Jagdhof дип аталган биш йолдызлы кунакханәдә яши. Команда 70 бүлмәнең 50сен арендага алган.

Сүз уңаеннан, ил җыелмасының беренче матчы 17 июнь көнне Яңа Зеландия командасы белән була. Уен Санкт-Петербург стадионында узачак. Казандагы беренче матч 18 июньдә Португалия - Мексика арасында уза.

Кызыклы яңалыкларны күзәтеп бару өчен безнең МАХ каналына кушылыгыз.